Jolette Odendaal het begin sing op die ouderdom van nege. Sy het in 1993 aan Pro-Arte gematrikuleer waartydens sy die Dalro Nationale Toneelspel kompetisie gewen het. In dieselfde jaar het sy ook "Crescendo" gewen, in die kategorie: dames vokaal. Sy het haar Drama graad behaal aan die Universiteit van Pretoria, en in 1997 haar Honeurs Graad voltooi. Jolette het die professionele musiek industrie betree toe sy vir die a capella groep "Cutt Glas" begin sing het. Behalwe vir "Cutt Glas" het Jolette ook opgetree in verskeie teater produksies soos "Aspoestertjie", onder regie van Pierre van Pletzen, "Brolloks en Bittergal" onder regie van Hannes Muller en Lizz Meiring. In 2003 span Jolette kragte saam met Ian von Memerty, Harry Sideropoulos en Ilse Klink in die lokettreffer "Big Band Blast" by die Nelson Mandela Teater. Jolette is vir hierdie produksie genomineer vir 'n Naledi toekenning. Tydens die Oudtshoorn Kunstefees in 2004 is sy ook genomineer vir twee Kanna toekennings: beste musiekblyspel speler vir "JillJol" onder regie van Sandra Prinsloo en "Hartedief" deur Jeanne Goosen onder regie van Lizz Meiring. By Aardklop in 2005 het sy gewerk aan twee stukke, "Pols" met Henrietta Gryffenberg en "Imbumba" met Anna-Mart van der Merwe en Gys de Villiers. Einde 2005 het Jolette as gaskunstenaar opgetree in "Songs from the Mediterranean". Gedurende dieselfde jaar het Jolette uit "Cutt Glas" getree om op haar solo loopbaan te fokus. Haar eerste solo album "Jolette" is in 2006 vrygestel.


BESPREEK VIR JOLETTE
Theresa du Preez
082 712 5680

Jolette (click to enlarge) Jolette (click to enlarge) Jolette (click to enlarge) Jolette (click to enlarge) Jolette (click to enlarge)
 


Jolette Odendaal

Ons almal het drome, en sommige van ons is bevoorreg genoeg om dit ten volle uit te leef. Hierdie album was Jolette se droom, en met baie aanmoediging en inspirasie het dit ‘n werklikheid geword. Deel van hierdie droom was om saam met die “droomspan” te werk en dit het ook vir haar waar geword. Na 10 jaar saam met die welbekende a capella groep “Cutt Glas,” was Jolette gereed om haar vlerke as solo kunstenaar te sprei.

Uiteindelik is dit ons as die luisteraars se beurt, om deur haar vokale meesterskap, absolute musikaliteit en skrywerstalent geinspireer te word.

In haar keuse van liedjies vir hierdie diverse album, speel sy rond met verskillende style. Jolette inkorporeer haar teater agtergrond (met produksies soos “Big Band Blast”), en wys dat sy haar vinger ferm op die pols van die hedendaagse musiekbedryf het.

“Jolette” bevat vars verwerkings van bestaande liedjies (“La vie en rose”- Piaf, “Gypsy” -Mynie Grové, “In Your Eyes” -Peter Gabriel en “Pata Pata”- Miriam Makeba), asook oorspronklike materiaal, waarvan die lirieke en musiek deur Jolette Odendaal self geskryf is. Die bestaande liedjies het sy gekies vanwee die impak wat dit op haar eie musikale reis tot dusver gehad het.

Die album is opgeneem by Robin Walsh se ateljee, en die produksie is behartig deur Mauritz Lotz. Die verwerkings is gedeel deur Robin Walsh, Mauritz Lotz, Wikus du Toit en Jolette Odendaal. Jolette en Mauritz het saam die programering gedoen.

Kitaar is deur die meester, Mauritz Lotz gespeel, viool deur Annake de Villiers, akkordion deur Matthys Maree, konsertina deur die bekende Lieb Bester en klavier deur Jolette self.

Suid Afrika het nog nooit so iets, van die talent op eie bodem ontvang nie. Hierdie solo album, bloot genaamd “Jolette,” is ‘n vokale en musikale kragtoer en is landwyd beskikbaar. Jolette se eerste solo vertoning ook getiteld “Jolette,” kon by vanjaar se ABSA-KKNK kunstefees in April gesien word.

 

.
Gaan Kuier by The Sixth Sense